മണ്ണില്ലാത്ത വിദ്യാലയങ്ങൾ...!!
ജൂണിൽ പുതുമഴപെയ്ത് മണ്ണിന്റെ മണം ക്ലാസ് മുറിയിൽ പടർന്നപ്പോൾ കോശി മാഷ്...കൊയ്തുപാട്ടു പാടുകയായിരുന്നു....
ഇനി ക്ലാസ് മുറികളിലേക്ക് മണ്ണിന്റെ മണം കടന്നു വരില്ല. സ്കൂളിന്റെ ഭൗതികസാഹചര്യം വർദ്ധിപ്പിക്കുന്ന തിരക്കിലാണെല്ലാവരും മുറ്റം നിരപ്പാക്കി വെഡ്ലോക്ക് പതിക്കണം, പലനിറത്തിൽ പൂക്കളുടെ ഡിസൈനിൽ ആകർഷണീയമായ വിധം...
പതിയിരിക്കുന്ന അപകടമോർത്താൽ പറയാതെ വയ്യ.....
വിദ്യാലയവികസനം മുറ്റത്ത് കോൺക്രീറ്റ് കട്ട പതിക്കലായി മാറിയിരിക്കുന്നു....
മണ്ണിലേക്ക് ഒരു തുള്ളിപോലും ഇറങ്ങിപ്പോകരുത്, ചെളിവെള്ളം കെട്ടി നിൽക്കരുത്...മുക്കുറ്റിയും തുമ്പയും , തൊട്ടാവാടിയും മുളയ്ക്കരുത്, പൊടിപറക്കരുത്, കുട്ടിയുടെ ഇന്ദ്രിയങ്ങൾ മണ്ണിന്റെ ഗന്ധമറിയരുത്....മണ്ണ് കാലിൽ പതിയരുത് , മണ്ണ് അകറ്റി നിർത്തേണ്ടതാണല്ലോ.....
മണ്ണിനെ മനസിൽ നിന്നും ശരീരത്തിൽ നിന്നും അകറ്റി നിർത്തുന്ന സംസ്കാരമുള്ള തലമുറയെ വാർത്തെടുത്തിട്ടെന്തുകാര്യം...
ഒരു വിദ്യാലയത്തിൽ പരീക്ഷാജോലിയ്ക്ക് എത്തിയപ്പോൾ കണ്ട ചിത്രം നോവിച്ചു....!!
മണ്ണില്ലാ മുറ്റങ്ങൾ
ഉണ്ണികൾക്ക് നന്മയുണ്ടാക്കില്ല.
എതിർക്കാം....
നമ്മുടെ വിദ്യാലയത്തിൽ നിന്നും മണ്ണിനെ മാറ്റി നിർത്തില്ലാ എന്ന് പ്രതിജ്ഞ ചെയ്യാം.
രതീഷ് കെ എസ്
ജി എച്ച് എസ് എസ് എടക്കര.
