ചോദ്യം..

ബഹുമാനപ്പെട്ട സർ..

      കേരളത്തിന്റെ സുരക്ഷിത ഭാവിയെക്കുറിച്ച് ഏറെ ഗൗരവമായി ചിന്തിച്ച കാലമാണിത്. 

രണ്ടു കാര്യങ്ങളിലാണ് ഞാൻ ഏറ്റവും സന്തോഷിക്കുന്നത് ഒരു സർക്കാർ വിദ്യാലയത്തിലെ  അദ്ധ്യാപകൻ എന്ന നിലയിൽ  തൊഴിലിടത്തെ ഏറ്റവും സൗന്ദര്യവും സൗകര്യവുമുള്ളതാക്കി തീർത്ത് എന്റെ അഭിമാനവും, പൊതുവിദ്യാലയത്തിലെ  മകന്റെ  പിതാവ് എന്ന നിലയിൽ ആ സ്ഥാപനത്തെ ലോകോത്തര നിലവാരത്തിലാക്കി എന്റെ ആശങ്കകളും പരിഹരിച്ചിരിക്കുന്നു. അതോടൊപ്പം എന്റെ ചില ആകുലതകൾ വളരെ വിനയത്തോടെ ഓർമ്മിപ്പിക്കാതെ വയ്യ.

       ആധുനിക വിദ്യാഭ്യാസ സംവിധാനത്തിലൂടെ കടന്നുവരുന്ന കുട്ടികളിൽ പോലും മതം ജാതി നിറം തുടങ്ങി അനാരോഗ്യ വേർതിരിവുകൾ കൂടിക്കൂടി വരുന്നുണ്ട്.ഇത് പരിഹരിക്കാൻ ഏറ്റവും നല്ല മാർഗം,കലാകായിക വിദ്യാഭ്യാസത്തിലൂടെ മാനസികാരോഗ്യമുള്ള തലമുറയെ വാർത്തെടുക്കുക എന്നതാണ്.പക്ഷേ പലപ്പോഴും ഭൂരിപക്ഷം വിദ്യാലയങ്ങളിലും കലാകായിക അദ്ധ്യാപകരുടെയും ലൈബ്രറിയുടെ ചുമതലകൾ വഹിക്കേണ്ടവരുടെയും ഭാഗം ഒഴിഞ്ഞ് കിടക്കുന്നത് എന്റെ ഭീതിക്ക് ആക്കം കൂട്ടുന്നു.മാനസിക ശാരീരിക ആരോഗ്യമുള്ള ഒരു തലമുറയിലാണ് ഈ നാടിന്റെ ഭാവിയെന്ന് ഞാൻ ഉറച്ച് വിശ്വസിക്കുന്നു.കലയും എല്ലാം മറന്നുള്ള കളികളും കണ്ണ് തുറപ്പിക്കുന്ന വായനയുമാണ്  വർഗ്ഗീയ കലാപങ്ങളെ പ്രതിരോധിക്കാൻ നാട്ടിലെ ജനതയെ പ്രാപ്തരാക്കുന്നത്. ഈ നാടിന്റെ ഭാവിയെക്കരുതി പ്രസ്തുത വിഷയത്തിൽ സർക്കാരിന്റെ സജീവശ്രദ്ധ പതിഞ്ഞുകാണാൻ ഏറ്റവും ആഗ്രഹിക്കുന്നു.

നന്ദി

കെ എസ് രതീഷ്

അദ്ധ്യാപകൻ 

ജി എച്ച് എസ് എസ് നെയ്യാർഡാം