സ്റ്റാഫ് റൂമിൽ തനിയേ....!
ചരിത്രമെഴുതിയ
ഒരു കുറിപ്പുപുസ്തകം
ഏ ഡി ബി സികളിൽ
തിരയുന്നൊരാൾ
ക്ഷാമബത്തയിൽ
ശമ്പളത്തിന്റെ താളത്തിൽ
വരവുചെലവൊപ്പിച്ച്
ബാലൻസ് ഷീറ്റിൽ മറ്റൊരാൾ
ഹരിതഗുണിത
സങ്കലന ചിന്തകൾ തെറ്റിച്ച
എക്സ് വൈകളുടെ
വിലയിരുട്ടിൽ തിരയുന്നയാളിപ്പൊഴും
പ്രണയമില്ലാത്ത
പനിനീർപൂവിന്റെ
ഇതളടർത്തി
പരാഗരേണുക്കളെത്തേടുന്ന
നീ...
ഇരതേടലിന്റെ പാരമീസിയങ്ങൾ..
മരവാഴകൾ
സ്പിരിറ്റിൽ ചത്തുജീവിക്കുന്ന
സർപ്പം..
അയ്യാൾ മൃഗശാലയായിരുന്നു
ചീമുട്ടഗന്ധത്തിൽ
ഒരു രസവും ചില തന്ത്രങ്ങളുമുണ്ടെന്നൊരുവൾ
നിർമ്മാണശാലയുടെ വാതിലിൽ...
സ്മിത്തും സെന്നും
മർത്യനുനൽകിയ വിത്തുകൾക്കപ്പുറം
വളർന്ന സാമ്പത്തികശാസ്ത്രം...
ഇനിയുമുറയ്ക്കാത്ത
വഴിതെറ്റിവന്ന
ഇംഗ്ലീഷ് വിഹ്വലതകൾ
കേടായ വോട്ടിംഗ് രീതിയിൽ
ഉറച്ചുപോയ
പൊളിഞ്ഞ പൊളിറ്റിക്സ്
ചിന്തകൾ ..
സമയസൂചികയുടെ
നേർത്തചരടിൽ കെട്ടിയുയർത്തിയ
സർക്കസ് കൂടാരം...
ചിന്തകൾ പുകയുന്ന വ്യവസായശാല....
ഇവിടെ
ഈ മലയാളത്തിന്റെ
മനോരാജ്യക്കാരനെന്ത്...!!
രതീഷ് കെ എസ്സ്
No comments:
Post a Comment