സീതയുടെ പ്രൊഫൈൽ..!
പടിയിറങ്ങിപ്പോയ
പാർവ്വതിയ്ക്ക് പതിനെട്ടായിരുന്നു
'മുഖം' വ്യാജമായിരുന്നൂ
പെരുവെള്ളമ്പോലെ
പ്രണയം പ്രളയം
സർഗാത്മം സ്ത്രൈണം
വരാലുപോലെ..
മുഖമില്ലാത്ത മുലക്കച്ചയില്ലാത്ത ആമുഖം
പിന്നെ
ആദ്യമഴത്തുള്ളിയുടെ
നൂൽബന്ധമറ്റ
രഹസ്യപ്രയാണങ്ങൾ
വഴിതെറ്റിവന്ന വസന്തം
രോഗികൊതിച്ചപാൽ
പൂച്ചകണ്ണടയ്ക്കുമ്പോലെ
രോഗി നീയോ ഞാനോ..?
വേനൽമഴ വീഴ്ത്തിയ
മഞ്ഞപൂക്കൾ മുറ്റത്ത് കരിയുന്നു
വേഴാമ്പലിന്റെ കരച്ചിൽ
വ്യാജമുഖമുണ്ടാക്കണം
ഇരുപ്പുപലകയിൽ
അഴകിയരാവണനെക്കുറിച്ചസീതയാകട്ടെ ഈ മുഖം
ഇനി സീതയുടെ പ്രൊഫൈൽ......!!
രതീഷ് കെ എസ്
No comments:
Post a Comment