അനോമിലികൾ....!!
ചെറുമീനിനിത്തിരി ഗുണമേറുമൊന്നൊരാ തന്ത്രമിനിയില്ലാ
മീൻ കാരന്റെ കുടിശ്ശിക
മെലിഞ്ഞ കുപ്പിയിയിലെ പാലും
എന്റെ മാക്സിയൻ കട്ടനും തമ്മിലെന്ത്...?
നിക്ഷേപമില്ലാത്ത മുറ്റത്ത് പയറുവള്ളിപോലെ പെൺപൈതൽ
വീട് പഴയതാ വീട്ടുടമയും
പുതുക്കിയ വാടക മാത്രം
തവണവ്യവസ്ഥ പെറ്റ
കട്ടിലിനു കിടക്കപ്പൊറുതിയില്ല
അത്താണികൾ തേടി
അതിഭാരങ്ങളും
ചിരിച്ച ബാന്ധവങ്ങളും
തൊഴിലില്ലാ പയ്യൻ രാത്രിയിലാക്രമിച്ചേക്കാം..
നാലാളുകൂടിയാൽ
ഞാൻ തന്നെ ശത്രു
കടക്കെണിയിൽ അവളെടുത്തസാരിയിൽ ഒരു കുരുക്കുണ്ട്
ടയറുപൊട്ടിയ സൈക്കിളിൽ
പുത്രൻ
അനോമിലികൾ
അനോമിലികൾ
വർദ്ധിച്ച് പുറത്തിറങ്ങാതെ
ഞാനും...!!
അടിക്കുറിപ്പ്
അവാർഡ് കമ്മിറ്റിക്ക്..
ഇതു വിലാപഗീത വിഭാഗത്തിലാണ്.
വായനക്കർക്ക്
അനോമിലി ഈ ജീവനക്കാരന്റെ രഹസ്യമാണ്.
രതീഷ് കെ എസ്സ്
No comments:
Post a Comment