പാറ്റേൺ ലോക്ക്....!
മിഥുൻ സുമ ദാമ്പത്യത്തിന് കുട്ടികൾ മൂന്ന്,
വർഷം പതിമൂന്ന്. വീട്ടിലെ ഒറ്റപ്പെടലിനെക്കുറിച്ച് പറയാൻ തുടങ്ങിയത് മൂന്നാമത്തെകുട്ടിയെ ഒന്നാം തരത്തിൽ ചേർത്തതു മുതലാണ്...
"ആളൊഴിഞ്ഞ അമ്പലത്തിൽ ജീവനുള്ളമുർത്തിയായ് തോന്നുന്നൂ..."
പണ്ട് സുമയോട് മിഥുൻ പറഞ്ഞ വാക്കുകളോർത്തു...
"ദേവി നിന്റെ പൂജാരിയാകാൻ അടിയനെ....!"
ഓഫീസിലും വീട്ടിലും മിഥുന്റെ മുന്നിൽകമ്പ്യൂട്ടറുണ്ടാകും ഒന്നാം ക്ലാസുകാരനുപോലും തീ പിടിച്ച തിരക്ക്
വീടിന്റെ ഇതിവൃത്തത്തിനപ്പുറം കഥയില്ലാത്തതായ് സുമയ്ക്ക് തോന്നി
ജർമ്മനിയിലെ നാത്തൂൻ കൊടുത്തുവിട്ട സ്മാർട്ട് ഫോണുകളിൽ ഒന്ന് തനിക്കുള്ളതായിരുന്നു ഒൻപതാം ക്ലാസുകാരിയും ഒന്നാം ക്ലാസുകാരനും ഗെയിം പഠിച്ചതും കളിക്കുന്നതും അതിൽത്തന്നെ....
മിഥുന്റെ ഫോണിൽ പാറ്റേൺ ലോക്കുണ്ട് ഫേസ്ബുക്കുണ്ട് വാട്സാപ്പുണ്ട് ആർക്കും
തുറക്കാനാകില്ല...
ആരോഗ്യമാസികയിലാണ് "സൈബർ പ്രണയവും വീട്ടമ്മമാരും" എന്ന ലേഖനം വായിച്ചത് അന്നുതന്നെ ഫേസ്ബുക്ക് അക്കൗണ്ട് തുടങ്ങി " ഗീത "
എന്ന പേരിൽ...
മിഥുനോട് പറഞ്ഞപ്പോൾ ഒരു ചിരിയിലൊതുക്കി രണ്ട് ദിവസ്സം കഴിഞ്ഞപ്പോൾ തുറന്നുനോക്കി എത്ര അപേക്ഷകൾ ചിലർ ഫോട്ടോയും സന്ദേശവും സഹിതം അശ്ലീല ചുവയുള്ള ചിലതും എങ്കിലും പരിചിത മുഖങ്ങൾ തേടാൻ ഒരു പൂതി...ചിലതു സ്വീകരിച്ചു എഴുത്തുകാരായിരുന്നു ഏറെയും
"ജീവൻ ഒരു നിലാവ്"എന്ന പ്രൊഫൈലിൽ ഏറെ നേരം അവൾ സഞ്ചരിച്ചു ലൈക്കുകൾ കമന്റുകൾ സന്ദേശങ്ങൾ..
തനിക്ക് നഷ്ടമായ വാക്കുകൾ നിറഞ്ഞ കവിതയായിരുന്ന് ജീവൻ
"കുട്ടികളെപ്പൊഴും ഫോണിലാ ഒരു ലോക്ക് ഇട്ടുകാണിച്ചുതരൂ"
മിഥുൻ അലസ്സമായ്
ലോക്ക് ഇടുന്ന രീതി പറഞ്ഞു കൊടുത്തപ്പോൾ സുമ അതീവശ്രദ്ധാലുവായ്
മിഥുൻ ഒരാഴ്ച്ച ടൂറ് പോയദിവസ്സം നിലാവുള്ള രാത്രിയിൽ
പിൻ വാതിൽ അടയ്ക്കാൻ മറന്ന സുമ
ചുറ്റുപിണഞ്ഞ വള്ളിപോലെ
ഒരു പുതിയ പാറ്റേൺ ലോക്കിട്ടു.
രതീഷ് കെ എസ്സ്
No comments:
Post a Comment