കവിത പാറക്കിണറുകൾ..

ലാത്തൂരിലെ
പാറക്കിണറുകൾ...!!

വീടിനുമുകളിലെ
സംഭരണിയിൽ നിറഞ്ഞൊഴുകിത്തീരുന്നു,
മണിക്കൂറൊന്നായി മകൾ
ഷവറിനു ചുവട്ടിലാണ്,
നായയേയും പുതിയ വാഹനവും കഴുകിത്തുടച്ചുകഴിഞ്ഞു,
അടുക്കളത്തോട്ടം നനച്ച്, കിണറ്റിനുചുവട്ടിലെ തെങ്ങിന്
ഭാര്യ നനയ്ക്കുന്നു,
ഗൗളിപത്രത്തിന്റെ
ഇളനീരു സ്വപ്നം കണ്ട് ഞാനും.

അങ്ങ്,
എന്റെ വീടിന്റെ വടക്കേ ദിക്കിൽ
അങ്ങ്, ലാത്തൂരിൽ
കുടിവെള്ളത്തിനു വെടിയേറ്റുചത്തവന്റെ
ഒറ്റമകൻ
കണ്ണീർ നനച്ച്
പാറപൊട്ടിച്ച്
കിണറുകുഴിക്കുന്നു....!!

രതീഷ് കെ എസ്.
ജി എച്ച് എസ് എസ് എസ്
എടക്കര.