അനുഭവക്കുറിപ്പ്

ഫോട്ടോസ്റ്റാറ്റെടുത്ത ഭാഗ്യക്കുറികൾ......!!

മലപ്പുറം.ആർ ടി ഓ ഓഫീസിൽ പൂരത്തിനുള്ള ആളുണ്ടായിട്ടും അവൻ എന്റെ മുന്നിൽ തന്നെ വന്നു.

വിഷുബംബറും നീട്ടിപ്പിടിച്ച് ഒറ്റ ആജ്ഞ
" ചേട്ടനൊന്ന് എടുത്തേ"
ശ്രദ്ധിക്കാതിരുന്ന എന്റെ മടിയിലേക്ക് അതു വച്ചു ഞാൻ അതു തിരിച്ചുകൊടുത്തു. രൂക്ഷമായി എന്നെ നോക്കി ഒറ്റപ്പറച്ചിലായിരുന്നു.

" അറിയാല്ലോ ഇന്ന് റിസൾട്ടുവന്നു , ഇനി അഡ്മിഷൻ, പുസ്തകം, യൂണിഫോം , എല്ലാത്തിനും കൂടെ വല്ലാത്ത ചിലവുണ്ട് എന്റെ അപ്പനിതൊന്നും താങ്ങത്തില്ല  റിസൾട്ട് കൈയിലുണ്ട് കാണിക്കാം..."

ലോട്ടറി സൂക്ഷിക്കുന്ന ബാഗിൽ നിന്നും റിസൾട്ടിന്റെ ഒരു കോപ്പി എന്റെ കൈയിൽ തിരുകി.

വിപിൻ മാധവ്
( സ്കൂളൊന്നും പറയുന്നില്ല മലപ്പുറം ആർ ടി ഓ യിൽ ചെല്ലു അവൻ നിങ്ങളെ തേടിവരാതിരിക്കില്ല)
ബി ബി പ്ലസ് എ എ ...സി...

ഞാൻ ഇരുന്നൂറു രൂപ കൊടുത്തു ടിക്കറ്റ് വാങ്ങാൻ മറന്നു .

ഞാൻ ഭൂതക്കലത്തിലൊന്നിൽ കൊല്ലം ബസ്സ്റ്റാൻഡിലെ കൈരളി ലക്കി സെന്റർ ഉടമ തന്ന വിഷുബംബർ വിറ്റുനടക്കുകയായിരുന്നു.

അവൻ പിന്നെയും പലരുടെ മുന്നിലും ടിക്കറ്റു വിൽക്കുന്നു എങ്കിലും ആ  റിസൾട്ട്കാണിക്കുന്നില്ല എങ്ങനെയായിരിക്കും എന്റെ ഭൂതകാലം അവൻ ചികഞ്ഞെടുത്തത്....???

ആർ ടി ഒ യുടെ ഇൻസ്പെക്ഷൻ റിപ്പോട്ട് തന്നിട്ട് പേഴ്സ് തുറക്കാൻ പോലും ഇടനിലക്കാരൻ  സമ്മതിച്ചില്ല ഇവർക്കൊക്കെ ഇതെന്തുപറ്റി...??

രതീഷ് കെ എസ്
ജി എച്ച് എസ് എസ് എടക്കര.