അവൾ വനം കണ്ടൂ....!!
അവൾക്ക്
കണ്ണുണ്ടായിരുന്നില്ല കാഴ്ച്ചയുണ്ടായിരുന്നു...
കാടിന്റെ കവിളിലെ
കരിയിലയിലൂടെ
പാദരക്ഷയില്ലാതെ പതിയെ നടന്നു..
ചീവിടും മലമുഴക്കിയും
അവളുടെ ചെവിയിലൂടെ പറന്നു..
ഒരാറിന്റെ ആഴം നാവിലുറുന്നുണ്ടായിരുന്നു..
ചന്ദനവും ചമ്പകവും ഗന്ധമായ് പൂത്തുനിന്നു..
കാറ്റൊരുകുളിരായ് അവളിലൂറിയിറങ്ങി...
സൗഹൃദത്തിന്റെ ഒരു വള്ളിയിൽതൂങ്ങി...
ഉൾക്കണ്ണാൽ അവൾ
കാടുകൾ
കാണുകയായിരുന്നു
ഞാനും നീയുംകാണാത്ത കാട് ....!!
രതീഷ് കെ എസ്
ജി എച്ച് എസ് എസ് എടക്കര
(അന്ധയായ എൻ എസ് എസ് വിദ്യാർഥിനി രമ്യയ്ക്കും അവളുടെ ചങ്ങാതി മുനവിറയ്ക്കും...
പ്രിയ മമ്മുസ് മാഷിനും അവരുടെ കാടറിവ് യാത്രയ്ക്കും...🙏🏿🙏🏿🙏🏿🙏🏿💐💐💐💐
No comments:
Post a Comment