നവഭാവന ഡോ കെ അയ്യപ്പപ്പണിക്കർ

നവഭാവന
ഡോ കെ അയ്യപ്പപ്പണിക്കർ പുരസ്കാരം സ്നേഹത്തോടെ നിരസിക്കുന്നു...!!

രണ്ട് ദിവസമായി
വല്യ ത്രില്ലിൽ ആയിരുന്നു.
ഡോ കെ അയ്യപ്പപ്പണിക്കരുടെ പേരിൽ ഒരു പുരസ്കാരം ഉണ്ടെന്ന് അറിഞ്ഞപ്പോൾ.
ചങ്ങാതി നല്ലൊരു പോസ്റ്റർ ഡിസൈൻ ചെയത് തന്നു.
മുഖപുസ്തകത്തിലും വാട്‌സ് ആപ്പിലും ഇടുകയും ചെയ്തു.
ഭാര്യയോടും അമ്മയോടും പറഞ്ഞു..
ആകെ അഭിനന്ദന പ്രവാഹം. ഞാൻ ആകെ കുളിറുകോരി ഇരിക്കുകയായിരുന്നു..
ഒരു ചങ്ക് പറയുകയുകയും ചെയ്തു...

"മാഷേ പുതിയ ഒരു ഷെൽഫ് ചെയ്തോ, ഈ സമ്മാനമൊക്കെ പുറത്തിരുന്നാൽ ചീത്തയാകും.."

പക്ഷെ ഇന്നലെ മുതൽ ചില എഴുത്തുകാരും ചങ്ങാതികളും വിളിക്കാൻ തുടങ്ങി..
"രതീഷേ നിനക്കിത് വേണോ.." ആദ്യമൊക്കെ അസൂയ എന്നാ തോന്നിയത്. നെറ്റിലും മുഖപുസ്തകത്തിലും ശരിക്ക് ഈ പുരസ്കാരത്തെക്കുറിച്ച് തിരഞ്ഞു. പ്രമുഖർ വേദിയിൽ വന്ന് സമ്മാനിതരാകുന്നു, മറ്റുള്ളവർക്ക് അവാർഡ് സമ്മാനിക്കുന്നു..

പക്ഷെ മൂന്ന് കഥ/ കവിത അയച്ചവർക്കും അവാർഡ്, ചിലർക്ക് സഹായ ദാനം ഇടാൻ അകൗണ്ട് നമ്പർ കൊടുക്കുന്നു..
പിന്നെ ഒരേ അവാർഡ് അഞ്ചിൽ കൂടുതൽ ആളുകൾക്ക്..
എനിക്ക് ആകെ വിഷമമായി...

അങ്ങനെയാണ് പുസ്തകം അയയ്ക്കാൻ പറഞ്ഞവരെ/ അവാർഡ് പ്രഖ്യാപിച്ചവരെ  നേരിൽ വിളിച്ചത് അവർക്കും വ്യക്തതയില്ല. അല്ല എന്നെ ബോധ്യപ്പെടുത്താൻ കഴിയുന്നില്ല...

ഇതൊരു ചാരിറ്റി ട്രസ്റ്റ് ആണ്, മുൻ നിരയിൽ എത്താൻ കഴിയാത്ത എഴുത്തുകാരെ കലാകാരന്മാരെ പ്രോത്സാഹിപ്പിക്കുക.അവരിൽ നിന്ന് ഫണ്ട് സമാഹരിച്ച് ചാരിറ്റി നടത്തുക...

പക്ഷെ എന്റെ പക്ഷം മറ്റൊരു രീതിയിൽ ആണ്. ചാരിറ്റി ഞാൻ ചെയ്യുന്നുണ്ട് അതുകൊണ്ട് തുക കൊടുത്ത് ഈ പ്രോത്സാഹനം ഞാൻ ആഗ്രഹിക്കുന്നില്ല...
എന്റെ കഥ/ പുസ്തകം അർഹതയുണ്ടെങ്കിൽ അത് നിലനിൽക്കുന്നതെങ്കിൽ മാത്രം എന്നെ അംഗീകരിച്ചാൽ മതി.
അത്തരം അംഗീകാരങ്ങൾക്ക് മത്സരങ്ങൾക്ക് ഞാൻ ഇനിയും ശ്രമിക്കും..
ചാരിറ്റി ചെയ്ത് സാഹിത്യ പുരസ്കാരം താൽപര്യമില്ല..

എന്നെപ്പോലെയുള്ളവർക്ക് ഇത്തരം അംഗീകാരങ്ങൾ വലിയ പ്രോത്സാഹനമാണ് നല്കുന്നത്.പ്ലീസ് പ്രലോഭിപ്പിക്കരുത്

കേരളത്തിൽ സാഹിത്യമത്സരങ്ങൾക്കും, പതിപ്പുകൾക്കും പാഞ്ഞമില്ലാത്തതിനാൽ
ഇനിയും അവയിൽ പങ്കെടുക്കും. വിജയിക്കാൻ ശ്രമിക്കും..

ദയവ് ചെയ്ത് ഇങ്ങനെയാണ് പുരസ്‌കാരമെങ്കിൽ പുസ്തകം, കഥ അയയ്ക്കാൻ ആവശ്യപ്പെടരുത്..
തപാലിൽ അവയൊക്കെ എത്തിക്കാൻ ചിലവുണ്ട് അതുമല്ല ഇങ്ങനെ കാശ് കൊടുത്ത് വാങ്ങിക്കാൻ സാമ്പത്തിക ശേഷിയുള്ള ആളുമല്ല..

ഒടുവിൽ പറയട്ടെ
ഡോ അയ്യപ്പപ്പണിക്കാരെപ്പോലെ ഒരാളുടെ പേരിൽ അവാർഡ് നൽകുമ്പോൾ അതിനെ ഇത്ര നിസാരമായി കാണരുത്

എല്ലാ ആശംസകളും...!!

കെ എസ് രതീഷ്‌, പന്ത
( ഗുൽമോഹർ 009)