എന്റെ മോൻ പൊതുവിദ്യാലയത്തിൽ ഒന്നാം തരം പൂർത്തിയാക്കുമ്പോൾ..!!

എന്റെ മോൻ
പൊതുവിദ്യാലയത്തിൽ ഒന്നാം തരം പൂർത്തിയാക്കുമ്പോൾ..!!

വലിയ ആശങ്കകൾ ഉണ്ടായിരുന്നു പൊതുവിദ്യാലയത്തിൽ ഒന്നാം തരത്തിൽ
ചേർക്കുമ്പോൾ. മലപ്പുറത്തും നെയ്യാറിലുമായി അവൻ ഒന്നാം തരം പൂർത്തിയാക്കാൻ പോകുന്നു..
തൊണ്ണൂറ് ശതമാനവും ഞാൻ തൃപ്തനാണ്...

ഇതിനിടയിൽ സ്‌കൂളിലെ കുളത്തിൽ ചെന്ന് എത്തിനോക്കിയതിന് ഉൾപ്പെടെ മൂന്ന് തവണ അവന് കുഞ്ഞ് അടികിട്ടി. കുറെ പെൻസിൽ കളഞ്ഞു. ചിലത്‌ കുട്ടികൾക്ക് കൊടുത്തു. ഒരു വാച്ച് എവിടെയോ പോയി.. ഒരു കുട്ടിയുടെ പേന എടുത്തുകൊണ്ട് വന്നു, പിറ്റേന്നു തന്നെ തിരികെ കൊടുത്തു.
നല്ല ചങ്ങാതിമാരെ കിട്ടി.ഒന്നുരണ്ട് മാജിക്ക് പടിച്ചു.

ഇന്ന് പഠനോത്സവത്തിൽ കവിത ചൊല്ലി, വഞ്ചിപ്പാട്ട് പാടി, ജീപ്പിനെക്കുറിച്ച് പ്രസംഗിച്ചു. അക്ഷരങ്ങൾ കൂട്ടി വായിക്കുനുണ്ട്. പിന്നെ കള്ളക്കഥകൾ ഒപ്പിച്ച് പറയുന്നുണ്ട്.ഗോലികളി തുടങ്ങി. വീട്ടിലും സ്‌കൂളിലും വാ തോരാതെ സംസാരിക്കുന്നു...

ഇടയ്ക്ക് സ്‌കൂളിൽ അദ്ധ്യാപകർ ലീവ് ആയ അവസരത്തിൽ ചെന്ന് പരിഭവിക്കേണ്ടി വന്നു. അവർ അതൊക്കെ വേഗം പരിഹരിക്കാൻ ശ്രമിച്ചു..
ആംഗലേയ പഠനത്തിൽ ഒരല്പം ആകുലത ഇനിയുമുണ്ട്. അടുത്ത കൊല്ലം പുതിയ കെട്ടിടത്തിൽ ഇരുന്ന് അവന് പഠിക്കാം എന്നൊക്കെ കരുതുന്നു.
ഇപ്പൊ ഇരുന്ന് പറ്റിക്കുന്ന മുറി ആകെ ചെറുതാണ് നല്ല ചൂടും..

മലപ്പുറത്തെ ദിവ്യ ടീച്ചറും, നെയ്യാറിലെ കല ടീച്ചറും, മിനി ടീച്ചറും തന്നെ താരങ്ങൾ.
ദിവ്യ ടീച്ചറോട് ഒരല്പം അടുപ്പം കൂടുതൽ എന്നു തോന്നുന്നു..രണ്ടാം തരത്തിലെ പുസ്തകം വന്നുവെന്ന് കേൾക്കുന്നു.
എന്തായാലും ഇനിയും അവിടെ തന്നെ തുടരുന്നു. എല്ലാവരോടും സ്നേഹമുള്ള കുട്ടിയായിരുന്നാൽ മതി...!!

കെ എസ് രതീഷ്‌, പന്ത
(ഗുൽമോഹർ 009)