എന്റെ കവിതയിൽ...
ഞാൻ
വിളപ്പിൽ ശാലയിലെ
കുരീപ്പുഴയിലെ
മാലിന്യം കൊണ്ടിടും
പിന്നെ
പിഴച്ചു പെറ്റ പെണ്ണിനെക്കൊണ്ട്
പുളിച്ച തെറിവിളിപ്പിക്കും..
പുലരുവോളം
ഭോഗിച്ച് ഒരു കൊച്ചു പെണ്ണിന്റെ രക്തക്കറപ്പറ്റിയ
പെറ്റിക്കോട്ട്
കൊണ്ടിടും.
വയറുകീറിയെടുത്ത
ആ കുട്ടിയുടെ
നിലവിളികേൾപ്പിക്കും...
പള്ളിയിലും
അമ്പലത്തിലും..
മദ്രസ്സയിലും
വ്യഭിചാരശാലയിലും കിടന്ന ഗർഭനിരോധന ഉറകൾ
ശേഖരിച്ച്
കത്തിക്കും...
സ്കൂളിന്റെ
കഞ്ഞിമാത്രം കുടിച്ചു
തളർന്നുറങ്ങിയ
കുട്ടിയുടെ
തീട്ടം കൊണ്ടിടും
എന്റെ
കാവ്യലോകത്തെ
പ്രജാപതി
ഞാനാ ഞാൻ മാത്രം...!!
രതീഷ് കെ എസ്സ്
No comments:
Post a Comment