നടത്തം...!
മെത്തപ്പുറത്തൂന്ന്
മർക്കടമുഷ്ടി ചുരുട്ടിവീശി
ഒറ്റ നടത്തമായിരുന്നു
വയറൊഴിക്കാൻ
പിന്നിട്ടവരൊക്കെ വയറില്ലാത്തവർ....
മുറ്റമടിക്കണ ഖദീജ
പത്രമെറിയണ പയ്യൻ
ടാപ്പിംഗ് കത്തി വിശി നടക്കണ ഗോപി
പയ്യിന്റെ പിന്നാലെ പോണ കൊച്ചൂഞ്ഞ്
പൂക്കടയിലെ ശാന്തേച്ചി
പാൽക്കാരൻ ശങ്കുണ്ണിയേട്ടൻ...
മേസ്ത്രിയും ബംഗാളി സംഘവും
ലോറിക്ലീനർ തമിഴൻ
അങ്ങനെ......
പരിഹാരം തേടണം
ബോധിവൃക്ഷചുവട്ടിലെ
ചായക്കടയിൽ....
മെലിഞ്ഞൊട്ടിയ വയറുമായ്
പറ്റു തീർക്കാതെ
"എട്ടു" കാശിന്റെ ചായകിട്ടാതെ ബുദ്ധൻ
എന്റെ
നിറവയർ നോക്കി
"വയറാണിന്നെനിക്കും"...!
രതീഷ് കെ എസ്സ്
No comments:
Post a Comment