അപ്പാറാവുമാർ ചോദിക്കുന്നു യുവതയ്ക്കിതെന്തുപറ്റി...?
നിറമുള്ള
നിറയെ ഉത്സവങ്ങളുടെ ലഹരിയില്ലേ...?
മുഖം മിനുക്കാനും പകർത്താനും സെല്ഫി സ്റ്റിക്കുകളും...?
മുങ്ങാങ്കുഴിയിടാൻ സൈബറിടം സൗജന്യമല്ലേ..?
മുടങ്ങാതെ ക്രിക്കറ്റില്ലേ..?
സിനിമയില്ലേ...?
സ്വപ്നങ്ങളുടെ മായികാസരങ്ങൾ തീർത്ത
പഞ്ചനക്ഷത്ര കലാശാലകളില്ലേ...?
യോഗയും ജീവനകലയുമില്ലേ..?
പിന്നെന്തിന്
ജാതിയുടെ പേരിൽ തല്ലുകൊള്ളണം,
പിന്നെന്തിന് രാഷ്ട്രിയത്തിൽ തലകടത്തണം,
പിന്നെന്തിന് മതവിശ്വാസ്സങ്ങൾക്കെതിരെ ചോദ്യങ്ങളെറിയണം,
അപ്പാറവുമാർ ചോദിക്കുന്നു
നമ്മുടെ
യുവതയ്ക്കിതെന്തുപറ്റി ?
നിങ്ങൾക്ക്
രാജ്യഭിമാനമില്ലേ ?
രാജഭക്തിയില്ലേ ?
ഭാരതമാതാവിനു ജയ് വിളിക്കാനറിയില്ലേ...?!!
രതീഷ് കെ എസ്
ജി എച്ച് എസ് എസ് എടക്കര.
No comments:
Post a Comment